კომენტარის დამატება
მადრიდის "რეალის" მთავარი მწვრთნელი კარლო ანჩელოტი მიიჩნევს, რომ გარეთ ბეილი გუნდის საკვანძო ფიგურაა და არც კი განიხილავს უელსელის გუნდიდან წასვლის თემას. ინგლისური პრესის ინფორმაციით, ბეილისადმი სერიოზულ ინტერესს იჩენს "მანჩესტერ იუნაიტედი", მაგრამ წითელი ეშმაკები უახლოეს მომავალში ვერ განახორციელებენ ამ ტრანსფერს, რადგან არც სამეფო კლუბი და არც თავად ახალგაზრდა ვინგერი აპირებს მოლაპარაკებების დაწყებას. "ბეილს, მადრიდის "რეალის" საკვანძო ფეხბურთელად მივიჩნევ. ის არ დატოვებს ჩვენს გუნდს", - განაცხადა პაპა კარლომ. თავად გარეთ ბეილმა, რომელმაც მიმდინარე სეზონში 12 მატჩი ჩაატარა ლა ლიგაში და შვიდი გოლი შეაგდო, "რეალთან" კონტრაქტის გახანგრძლივების სურვილი გამოთქვა.