ID სახელი

სახელი

@ იმეილი

იმეილი

<div>ბრიტანულმა საფეხბურთო ჟურნალმა FourFourTwo-მ, ტრადიციულად, დაასახელა წლის ასი საუკეთესო ფეხბურთელი. 2014 წლის ასეულს სათავეში კრიშტიანო რონალდო უდგას, რომელიც ჟურნალის ექსპერტებმა პლანეტის 2014 წლის საუკეთესო ფეხბურთელად დაასახელეს. <br />
<br />
ეს ერთ-ერთი პირველი ნიშანია, რომ "ოქროს ბურთის" ნომინანტ სამეულშიც ფავორიტი მადრიდის "რეალის" პორტუგალიელი სუპერვარსკვლავია. <br />
<br />
29 წლის კრიშტიანო რონალდომ პრესტიჟული ჟურნალის აღიარება ზედიზედ მეორე წელია, მიიღო - 2013 წელსაც ის გახდა წლის საუკეთესო ფეხბურთელი. <br />
<br />
"რეალის" სუპერვარსკვლავმა ლა ლიგის 2013/14 წლების სეზონში 30 მატჩში 31 გოლი გაიტანა, რასაც ჩემპიონთა ლიგაზე 11 შეხვედრაში 17 გოლი (ჩემპიონთა ლიგის რეკორდი) დაუმატა. ამ სეზონში "რეალმა", როგორც იქნა, აისრულა ოცნება და სანუკვარი "დესიმა", ანუ ჩემპიონთა თასი მეათედ მოიპოვა. <br />
<br />
FourFourTwo-მ წლის ასი საუკეთესო ფეხბურთელი უკვე მერვედ დაასახელა. ჟურნალის მოწინავე ხუთეულში მოხვდა რონალდოს თანაგუნდელი გარეთ ბეილიც, უელსელმა ჩემპიონთა ლიგის ფინალში გადამწყვეტი გოლი გაიტანა. მანვე მოაგებინა "ბარსელონას" კარში გატანილი გოლით "რეალს" კოპა დელ რეიც. ბეილმა ესპანეთში პირველივე სეზონი ბრწყინვალედ ჩაატარა. <br />
<br />
ჟურნალის ვერსიით, მსოფლიოში საუკეთესო ფეხბურთელის შემდეგ მსოფლიოს ჩემპიონთა კაპიტანი ფილიპ ლამი დგას. გერმანელმა ლიონელ მესის აჯობა, რომელიც მხოლოდ მესამეა, მიუხედავად იმისა, რომ წლეულს მუნდიალის საუკეთესო ფეხბურთელად დაასახელეს. ლიდერთა კვარტეტში მიუნხენის "ბაიერნის" კიდევ ერთი წევრი მოხვდა - გოლკიპერი მანუელ ნოიერი. ხუთეულს კი ბეილი აგვირგვინებს.<br />
<br />
ხოსეპ გვარდიოლას "ბაიერნი" ყველაზე ფართოდ წარმოდგენილი გუნდია ტოპ-100-ში - "ალიანს არენაზე" მოთამაშე 14 ფეხბურთელი რჩეულთა სიაშია. მოკლედ, ბავარიელებს სათადარიგოთა სკამზეც კი მსოფლიოს საუკეთესო ფეხბურთელთა წარმომადგენლები ჰყავთ. <br />
<br />
პრემიერლიგიდან ყველაზე მეტი წარმომადგენელი ასეულში ჟოზე მოურინიოს "ჩელსის" ჰყავს - 9. "მანჩესტერ იუნაიტედს" ერთით მეტი წარმომადგენელი ჰყავს, ვიდრე მეზობელ "სიტის" - 7; "არსენალი" 4 ფეხბურთელით არის წარმოდგენილი, ხოლო "ტოტენჰემი" - მხოლოდ ერთით. <br />
<br />
ინგლისელ ფეხბურთელებს ასეულში სანთლით თუ იპოვით, სულ სამია. ამდენივე წარმომადგენელი ჰყავთ ხორვატებს და ბელგიელებს. რაც ყველაზე მეტად აფიქრებთ ინგლისელებს, უელსელებს მათზე მხოლოდ ერთი ფეხბურთელით ნაკლები ჰყავთ სიაში - 2. <br />
<br />
ინგლისელთაგან საუკეთესო, რა თქმა უნდა, "მანჩესტერ იუნაიტედისა" და ეროვნული ნაკრების კაპიტანი უეინ რუნია, მაგრამ ისიც კი ძლივს მოხვდა ტოპ 50-ში. <br />
<br />
ლიგების მიხედვით ასე გადანაწილდა: პრემიერლიგა - 29 ფეხბურთელი; ლა ლიგა - 27; ბუნდესლიგა - 19; სერია A - 17; ლიგა 1 - 4; რუსეთის პრემიერლიგა - 2; პორტუგალიის პრიმეირა - 1; ერედივიზიე - 1. <br />
<br />
2014 წლის საუკეთესო ფეხბურთელთა ასეული1-20<br />
1. კრიშტიანო რონალდო; 2. ფილიპ ლამი; 3. ლიონელ მესი; 4. მანუელ ნოიერი; 5. გარეთ ბეილი; 6. ზლატან იბრაჰიმოვიჩი; 7. დიეგო კოშტა; 8. ლუის სუარესი; 9. ანხელ დი მარია; 10. არიენ რობენი; 11. ტიბო კურტუა; 12. ანდრეს ინიესტა; 13. თომას მიულერი; 14. ტონი კროოსი; 15. ნეიმარი; 16. სერხიო აგუერო; 17. დიეგო გოდინი; 18. ლუკა მოდრიჩი; 19. სესკ ფაბრეგასი; 20. იაია ტურე.<br />
 </div>
		<script>
			var container = document.getElementById('nativeroll_video_cont');

if (container) {
				var parent = container.parentElement;

if (parent) {
					const wrapper = document.createElement('div');
					wrapper.classList.add('js-teasers-wrapper');

parent.insertBefore(wrapper, container.nextSibling);
				}
			}
		</script>